Grafavogsdagurinn 4. September 2010
Í tilefni Grafarvogsdagsins sem haldinn verður 4. September næstkomandi verður opið hús í Gufunesi.
Kynning verður á Metanbreytingum á metanverkstæði og bílar til sýnis sem hefur verið breytt
Mótorhjólarúntur fyrir börn, fræðsla um flokkun,hoppukastali, börnin fá rúnt í öskubíl ofl. Endilega komið og kíkið við hjá okkur í Gufunes á laugardaginn á milli 13:00 og 17:00
Íslenska Gámafélagið heldur fyrirlestur á ráðstefnu í HR um græna orkugjafaHægt að breyta 50 bensínbílum í metanbíla mánaðarlega hér á landi.Í verksmiðju hérlendis væri unnt að breyta 50
bensínbílum í metanbíla mánaðarlega og lækka þannig eldsneytiskostnað eigenda um helming.
Iðnaðarráðherra kynnti í dag nýtt merki áætlunar fyrir vistvæna orku í samgöngum.
Íslenska gámafélagið og Vélamiðstöð starfrækja verkstæði þar sem 40 bílum hefur verið breytt úr
bensín í metanbíla. Metan er nánast helmingi ódýrari orkugjafi í dag en bensín, en kostnaður við að breyta
bíl er tvö til sjö hundruð þúsund krónur, það fer eftir stærð bíla.
Jón Þórir Frantzson, forstjóri Íslenska gámafélagsins og Vélamiðstöðvarinnar: Það tekur svona, fyrir
venjulegan bíleiganda, svona tvö ár að borga upp þessa breytingu. Eftir það er hann kominn á ódýrari,
ódýrari rekstur, frá dag frá degi. Hægt er að breyta 50 bílum á mánuði en nú þegar er til metangas sem dygði fyrir notkun 3.000 bifreiða hér
á landi. Jón Þórir Frantzson: Það er hægt að finna metangas á Íslandi fyrir 25.000 bifreiðar án þess að hafa mikið
fyrir því. Á ráðstefnu í Háskólanum í Reykjavík í dag kynnti iðnaðarráðherra nýtt merki áætlunar fyrir orkuskipti í
samgöngum. Í merkinu má sjá vindmylluspaða, eða túrbínuhjól fyrir raforku, og blóm fyrir lífdísil og metan,
auk þess sem öldukast vatns og gufubólstrið tákna jarðvarma. Ráðherra segir mjög mikilvægt að koma
þeim saman sem minni á mismunandi hliðum vistvænnar orku í samgöngum og hún vonar að
framtak iðnaðarráðuneytisins með notkun á einum rafmagnsbíl verði bara byrjunin.
Katrín Júlíusdóttir: Og ég bara geri ráð fyrir því að að minnsta kosti þessi ríkisstjórn, að hún hérna skipti
ekki út bíl nema fara yfir á grænan farkost.
Í dag 12. maí verður fyrsta formlega metanverkstæði landsins opnað hér á landi. Íslenska Gámafélagið, sem á dögunum var valið Fyrirtæki ársins í könnun VR, stendur fyrir opnuninni.
Metanverkstæðið hefur það að markmiði að uppfæra bensínbíla og díselbíla með metanbúnaði og nýta þannig íslenska orku sem er mun ódýrari og stuðlar að hreinna umhverfi.30 ný störf munu skapast á þessu ári á verkstæðinu en Vélamiðstöðin sem er í eigu Íslenska Gámafélagsins sér um rekstur metanverkstæðisins. Vélamiðstöðin hefur yfir 45 ára reynslu í bílsmíði og þróun á sérlausnum fyrir einstaklinga og fyrirtæki. Þróunin á metanuppfærslu á bílum hefur skilað hreinna umhverfi og betra samfélagi og er markmiðið að gera enn betur. Íslenska Gámafélagið var handhafi Kuðungsins, umhverfisverðlauna Umhverfisráðuneytisins fyrir árið 2008 og fékk fyrirtækið þau verðlaun m.a. fyrir frumkvöðlastarf á sviði metanbreytinga. Vélamiðstöðin mun áfram stuðla að grænu frumkvöðlastarfi íslensku samfélagi og umhverfi til hagsbóta. Íslenska Gámafélagið er fyrirtæki ársins 2010 Íslenska Gámafélagið fékk 4,59 í heildareinkunn en meðaltal stærri fyrirtækja var 3,98. Hæsta einkunn er 5. Einkunnir fyrir lykilþættina átta voru allar yfir 4,0 og er Íslenska Gámafélagið eina fyrirtækið á lista stærri fyrirtækja sem enga einkunn fær undir fjórum.Hæsta einkunnin er fyrir starfsanda, 4,85 en meðaltal stærri fyrirtækja er 4,30. Starfsandi tekur m.a. til góðra samskipta á vinnustaðnum, hvort þau séu óþvinguð og hispurslaus. Þá fær trúverðugleiki stjórnenda 4,66 í einkunn hjá Íslenska Gámafélaginu sem er umtalsvert hærra en meðaltalið sem er 3,98. Undir þessum lið er bæði spurt um viðhorf svarenda til stjórnunar fyrirtækisins og samskipta við næstu yfirmenn. Þátturinn launakjör fær einnig mun hærri einkunn hjá Íslenska gámafélaginu en meðaltalið eða 4,21 á mót 3,12. Íslenska Gámafélagið hefur ekki áður komist inn á lista yfir Fyrirtæki ársins.Til hamingju kæru starfsmenn Íslenska Gámafélagsins!______________________________________
Og ennþá hækkar bensínverðið Þeir sem nú þegar hafa sett metan í sína bíla verða sáttari með það á hverjum degi.
Nú þegar hefur verið sett metankerfi í eftirfarandi bílategundir.
Átt þú kannski svona bíl??
• Toyota Yaris
• Toyota Tundra
• Toyota Corolla
• Ford F150
• Ford Focus
• Ford Expedition
• Ford Explorer Sport trac
• Honda CRV
• Dodge Dakota
• Lexus H300
• Skoda Oktavia
• VW Transporter
• Dodge RAM
• Chrysler Town&CountryÞessi er ánægð með foreldra sína að aka á umhverfisvænu metan.
Það er í nógu að snúast á metanverkstæði Vélamiðstöðvarinnar
Dæmi um skemmtilegan frágang á metankútum á pallbíl
Næstu bílar inn eru m.a. Skoda Fabia, Renault Kangoo og
Ford Explorer, Ford F150
að ógleymdum Man og Scania vörubílum í díseluppfærslu.
Hafðu samband og við gerum bílinn þinn hagkvæmari í rekstri og umhverfsivænni!Við bætum metani í bílinn þinn
metanbill.isÞegar Simmi og Jói fóru í að velja sér bíl fyrir Íslensku hamborgarafabrikkuna til að keyra vörum og fólki,
vildu þeir fá bæði umhverfisvænan og rekstrarlega hagkvæman bíl.
Fyrir valinu varð Chrysler Town & Country með svokölluðum "sto and go" sætum.
Þá er hægt að fella þau niður í gólf þegar flytja á vörur en nota síðan sætin til fólksflutninga þegar það á við. Umhverfisvæni kosturinn og hagkvæmnin kom svo við að bæta metankerfi í bílinn, þar kom Vélamiðstöðin til sögunnar.
Með því að bæta við metanbúnaði í bílinn lækkar eldsneytiskostnaður um helming og útblástursmengun nánast hverfur.Í bílinn settum við tvo metankúta sem rúma um 28 lítra af metani.
Kútunum var komið fyrir í hólfi undir sætunum og taka því lítið pláss inni í bílnum.Á fimmtudaginn á stöð 2 í þættinum Simmi & Jói og Hamborgarafabrikkan verður sýnt frá þessu samstarfi.Við bætum metani í bílinn þinn
metanbill.is
Vélamiðstöðin opnar stærst sérhæfða metanbreytingaverkstæði landsins Eftir páska mun Vélamiðstöðin opna nýtt metanbreytingaverkstæði sem mun þjóna aukinni eftirspurn í metanbreytingum. Áhugasamir geta kíkt á vefsíðuna www.metanbill.is eða hringt í síma 5800400 og pantað tíma í skoðun þar sem gerð eru föst verðtilboð í breytingar.
Eins og er er aðeins tekið á móti bensínbílum og þeim breytt í tvíorku metanbíla.
Vélamiðstöðin er með díselvélar í prófun fyrir metanbreytingar áður en varan verður sett á markað.
Hægt verður að breyta díselbílum í metanbíla síðar á árinu 2010. ________________________________________ Fræðslustjóri að láni
Miðvikudaginn 17. mars 2010 skrifaði Íslenska Gámafélagið undir samning við Starfsafl, Landsmennt og VR vegna verkefnis sem kallast ,,Fræðslustjóri að láni“
Verkefnið byggist á að fyrirtækið fær í boði fræðslusjóðanna mannauðsráðgjafa. Ráðgjafinn fer yfir fræðslu- og þjálfunarmál og gerir greiningu á þörfum fyrirtækisins í samstarfi við starfsmenn. Starf þetta er hugsað sem grunnur að fræðslustarfi Íslenska Gámafélagsins til að tryggja að sú fræðsla sem valin verður nýtist starfsmönnum og fyrirtækinu sem best.
Birna V. Jakobsdóttir, mannauðsráðgjafi hjá Miðstöð símenntunar á Suðurnesjum sinnir verkinu fyrir hönd sjóðanna.
_________________________________________
Íslenska Gámafélagið er eina íslenska fyrirtækið sem er þátttakandi í alþjóðlegri ráðstefnu um líforku -Haldin verður alþjóðleg ráðstefna um líforku, PELLETime symposium, dagana 18. - 20. ágúst nk. í íþróttahúsinu á Hallormsstað á Fljótsdalshéraði. Ráðstefnan er hluti af PELLETimeverkefninu sem Héraðs-og Austurlandsskógar ásamt Skógrækt ríkisins á Austurlandi taka þátt í á vegum Norðurslóðaáætlunar Evrópusambandsins (NPP). Auk þessara aðila á Íslandi taka stofnanir í Skotlandi, Svíþjóð og Finnlandi þátt, Finnar leiða verkefnið. Ráðstefnan fjallar um líforku, timbur og skyld efni og hvernig við getum nýtt okkar náttúruauðlindir á ábyrgan hátt. Ráðstefnan mun fara fram á ensku, en fyrirlesarar eru m.a. frá Íslandi, Noregi, Skotlandi, Finnlandi og Svíðþjóð. Ráðstefnan hefst á hádegi þann 18. ágúst. Ráðstefnugjöld eru kr. 5.000 og innifalið í því er ráðstefnan, tveir kvöldverðir og skoðunarferð þann 20. ágúst. Nemar greiða engin ráðstefnugjöld. Óskað er eftir að skráningar berist á netfangið; skogar@heradsskogar.is Væntanlegum þátttakendum er bent á gistimöguleika á Hallormsstað sem finna má á slóðinni:
Íslenska Gámafélagið hlaut Kuðunginn-viðurkenndustu umhverfisverðlaun landsinsKolbrún Halldórsdóttir umhverfisráðherra afhenti Jóni Þóri Frantzsyni, forstjóra Íslenska Gámafélagsins Kuðunginn fyrir framlag fyrirtækisins til umhverfismála á liðnu ári. Í máli Hörpu Björnsdóttur, formanns úthlutunarnefndar Kuðungsins, kom fram að Íslenska Gámafélagið hefði hannað og þróað sorpflokkunarkerfi til lágmörkunar úrgangs og urðunar sorps og haft frumkvæði að því að innleiða þetta flokkunarkerfi í samstarfi við bæjar- og sveitarfélög. Fyrirtækið hefur með þessu unnið metnaðarfullt frumkvöðlastarf í innleiðingu sorpflokkunarkerfis frá heimilum, með það að markmiði að draga úr urðun heimlissorps allt að 70-80%. Á árinu 2008 tóku Stykkishólmsbær og Flóahreppur þátt í slíku samstarfsverkefni sem skilaði stórkostlegum árangri strax á fyrstu mánuðum. Innleiðing flokkunarkerfisins var til fyrirmyndar, fyrirtækið kostaði og útbjó kynningarefni, íbúafundir voru haldnir, starfsmenn fyrirtækisins heimsóttu hvert heimili til að kynna verkefnið og veittu ráðgjöf. Árangurinn af verkefninu í Stykkishólmsbæ og Flóahreppi hefur orðið fleiri sveitarfélögum hvatning til að hefja innleiðingu sorpflokkunarkerfis Íslenska Gámafélagsins og þannig stuðlað að vakningu meðal sveitarstjórnarmanna í umhverfismálum. Í starfi fyrirtækisins og markmiðum er að auki lögð áhersla á að setja sér mælanleg markmið í umhverfismálum og taka tillit til umhverfisins í allri starfsemi fyrirtækisins með virku og vottanlegu gæðakerfi, fagmennsku starfsfólks, nýtingu auðlinda með eins litlum umhverfisáhrifum og kostur er og vinna markvisst að notkun vistvænnar orku. M.a. hefur fyrirtækið sérhæft sig í að breyta bensín- og díselbílum í metangasbifreiðar sem ganga fyrir gasi framleiddu úr sorpi og eitt af umhverfismarkmiðum félagsins er að hefja framleiðslu metangass úr úrgangi og knýja þannig bílaflota sinn á sjálfbæran og umhverfisvænan hátt. Fyrirtækið á í dag 23 metangasbíla og hefur breytt 3 bifreiðum yfir í metangasbíla. Íslenska Gámafélagið hefur nú rétt til að nota merki Kuðungsins í eitt ár. Að auki fékk fyrirtækið Kuðung til eignar sem Halla Ásgeirsdóttir leirlistakona gerði. Sérstök úthlutunarnefnd fjallar um tilnefningarnar og í valnefndinni sátu að þessu sinni Guðmundur Gunnarsson fyrir hönd Alþýðusambands Íslands, Guðrún Eyjólfsdóttir fyrir hönd Samtaka atvinnulífsins og Harpa Björnsdóttir skipuð af umhverfisráðherra.
Sorphirðan í Héraði til Íslenska Gámafélagins Fljótsdalshérað og Íslenska gámafélagið hafa gert með sér samning um þriggja tunnu sorphirðukerfi í sveitarfélaginu. Samningurinn nemur þrjúhundruð milljónum króna til sjö ára og mun breyta sorphirðukerfinu í grundvallaratriðum. Samningurinn fjallar um sorphirðu á Fljótsdalshéraði, þar sem þrjár tunnur á hvern aðila verða uppistaðan í sorphirðukerfinu. Hugmyndin er að minnka sorp til urðunar og flutnings til mikilla muna til að ná fram sparnaði. Lífrænn úrgangur verður ekki urðaður. Á þann hátt sparast einnig urðunarsvæði. Sorphirðugjöld munu ekki hækka umfram verðbólgu þrátt fyrir fjölgun tunna. Gjöld þeirra sem þegar hafa fengið sér endurvinnslutunnu munu lækka. Íslenska gámafélagið tekur við sorphirðu á Héraði nú um áramót. Í maí í vor hefst kynningarferli innan sveitarfélagsins um flokkunina og í september fá allir tunnurnar þrjár til notkunar. Innleiðingu breytinganna mun ljúka í árslok 2009. Fljótsdalshérað er fjórða svæðið á landinu sem tekur upp hið nýja kerfi. Tunnurnar þrjár sem íbúar fá afhentar á næsta ári eru brúna tunnan, sem eingöngu er ætluð undir lífrænan úrgang. Í græna tunnu má setja allan pappír heimilisins, bylgjupappa og pappa, plast, minni málmhluti (t.d. niðursuðudósir, málmlok af glerkrukkum) og fernur. Í gráa tunnuna fer allt sem ekki getur farið í brúnu eða grænu tunnuna, né farið í endurvinnslu. Eiríkur Bj. Björgvinsson, bæjarstjóri Fljótsdalshéraðs og Jón Þórir Franzson, forstjóri Íslenska gámafélagsins, undirrituð samninginn þann 10 desember 2008.
Íslenska Gámafélagið og Vélamiðstöð óskar öllum viðskiptavinum og landsmönnum öllum árs og friðar um jólin.
Kringlan, í samvinnu við Íslenska Gámafélagið, leggur sitt að mörkum til umhverfisins Umhverfisvæn og atvinnuskapandi aðgerð6. desember 2008Kringlan og Íslenska Gámafélagið undirrituðu með sér samstarfssamning um flokkun og endurvinnslu þann 6. desember eftir hátíðlega athöfn að viðstöddum umhverfisráðherra, Þórunni Sveinbjarnardóttur. Samningurinn mun taka gildi þann 1. janúar 2009 og felur í sér að allir verslunareigendur leggi sitt að mörkum til að ná markmiðum Kringlunnar í flokkunarmálum. Starfsmaður á vegum Íslenska Gámafélagsins mun vera starfsfólki verslana innan handar og veita faglega ráðgjöf í flokkun. Kringlan hefur fyrst verslunarkjarna, í samvinnu við Íslenska Gámafélagið, tekið þá ákvörðun að leggja sitt að mörkum til umhverfisins með því að auka alla flokkun á sorpi. Nú þegar hefur Kringlan sett upp ruslastampa í sameiginlegu rými fyrir gesti og gangandi þar sem hægt er að flokka í annars vegar almennt og hins vegar plast, gler og dósir. Auk þess munu verslunareigendur sjá til þess að flokka bylgjupappa, sléttan pappa og plast frá almennu sorpi með aðstoð og ráðgjöf frá Íslenska Gámafélaginu. Markmiðið er að ná 40% flokkun fyrstu 3 mánuðina og að einu ári liðnu 60-70% flokkun. Þessi aðgerð er ekki aðeins umhverfisvæn, heldur fylgir henni mikill sparnaður með minnkun urðunargjalda, svo og er hún atvinnuskapandi. Hátt í þrjú störf munu skapast í kringum það að gera Kringluna grænni. Einn starfsmaður í 100% starfi mun vera flokkunarstjóri Kringlunnar. Losun á gámum, flokkun og böggun hjá Íslenska Gámafélaginu skapar tvö önnur störf til viðbótar. Að flokkun lokinni er hráefnið flutt erlendis í endurvinnslu með tilheyrandi útflutningstekjum. Þess má til gamans geta að það sorpmagn sem fellur til frá Kringlunni á ári er um 700 tonn sem er fjórum sinnum meiri úrgangur en kemur frá sveitarfélagi eins og Stykkishólmi. Að lokinni athöfn afhenti starfsfólk Íslenska Gámafélagsins áhugasömum fría áskrift að Grænu tunnunni í þrjá mánuði. Með því vill starfsfólk Íslenska Gámafélagsins auðvelda áhugasömum að flokka og leggja sitt að mörkum til umhverfisins.
Okkar menn í hafnargerðinni standa sig vel í Bolungarvík15. okt. 2008
Unnið var hörðum höndum við Brimbrjótinn í Bolungarvík er Víkari lagði leið sína niður að hafnarsvæðið síðdegis í gær. Verið var að leggja vatnslagnir í brjótinn og í framhaldinu verður fyllt upp í framkvæmdasvæðið og steypt. Að sögn Eiðs Jónssonar verkstjóra hjá Íslenska gámafélaginu, sem sér um verkið, er reiknað með að verkið klárist um mánaðarmótin ef veður og vindar verða hagstæðir og þá er þessum áfanga við Brimbrjótinn í Bolungarvík lokið.
Íslenska Gámafélagið í ISO 14001 15. okt. 2008
Alta aðstoðar nú Íslenska gámafélagið við að byggja upp umhverfisstjórnunarkerfi samkvæmt ISO14001. Stefnt er að vottun á komandi misserum.
Íslenska gámafélagið hefur lengi boðið þjónustu á sviði umhverfismála og ber metnað til að vera í fararbroddi íslenskra fyrirtækja eins og metanbílar fyrirtækisins og sorpflokkunarverkefni í Stykkishólmsbæ og víðar bera glöggt merki, sjá nánar á vef fyrirtækisins; http://www.gamur.is/ Við uppbyggingu á kerfi samkvæmt ISO 14001 eru fyrst metin umhverfisáhrif fyrirtækisins , forgangsraðað þeim þáttum sem mest áhrif hafa og unnið skipulega að því að lágmarka áhrifin. Það er gert með m.a. umhverfisstefnu, markmiðum, framkvæmdaáætlun og verklagi. Mikilvægt er að tryggja virka aðkomu starfsmanna í slíkri uppbyggingu, að starfið sé markvisst og samþætt öðru starfi og ekki síst að hafa gaman af!
Íslenska Gámafélagið leggur sitt á vogarskálarnar og styður Ólympíufara
Ólafur Thordersen, framkvæmdastjóri, afhenti Erlu Dögg Haraldsdóttur 300.000 kr. styrk fyrir hönd Íslenska Gámafélagsins. Styrkurinn kemur sér vel þar sem mikill kostnaður fylgir því að taka þátt í Ólympíuleikunum. Ólafur sagði við þetta tækifæri að hann væri búin að þekkja Erlu Dögg síðan hún var smá stelpa og fylgst með árangri hennar í sundinu. „Það var aldrei spurning um hvort heldur hvenær Erla myndi ná Ólympíulágmarkinu og ég var alltaf ákveðin í að styrkja hana þegar að því kæmi,“ sagði Ólafur þegar hann afhenti Erlu Dögg ávísunina frá Íslenska Gámafélaginu.
Flóhreppur verður fyrsta sveitarfélagið í dreifbýli á Íslandi til að flokka allan úrgang Flóahreppur hefur fyrst sveitarfélaga í dreifbýli tekið af skarið og samþykkt að allir íbúar þess flokki allan úrgang allt frá lífrænu, pappa, plasti yfir í litla málmhluti. Flóahreppur skrifaði undir samning við Íslenska Gámafélagið þann 30. júní eftir fund með íbúum hreppsins. Samningurinn mun taka gildi þann 1. júlí 2008 og gildir til fimm ára og felur í sér að allir íbúar Flóahrepps fái tvær tunnur til viðbótar þeirri tunnu sem fyrir er. Aukatunnurnar eru fyrir endurvinnanlegt sorp annarsvegar og lífrænt sorp hins vegar. Markmið þessa verkefnis er að minnka magn sorps sem fer til urðunar um allt að 70% á fyrsta árinu og allt að 80% á næstu þremur árum. Árangur verkefnisins byggist á þátttöku allra íbúa sveitarfélagsins og mun Íslenska Gámafélagið sjá um alla ráðgjöf og fræðslu til íbúa Flóahrepps um flokkun og endurvinnslu. Með þessum samningi hefur Flóahreppur, fyrst sveitarfélaga í dreifbýli á Íslandi, í samvinnu við Íslenska Gámafélagið uppfyllt skilyrði Evrópusambandsins um að draga úr urðun lífræns úrgangs. Allir íbúar sveitarfélagsins eru með beinum hætti þátttakendur í að gera Flóahrepp að umhverfisvænsta dreifbýli landsins.
24. janúar 2008
Verndum íslenskt umhverfi- við hugsum áður en við hendum
Ísland ásamt öðrum löndum innan ESB verða að uppfylla ákvæði um að minnka urðun á lífrænum úrgangi samkvæmt tilskipun sambandsins. Frá og með 1. janúar 2009 skal lífrænn heimilis- og rekstrarúrgangur, sem berst til urðunarstaða, að hafa minnkað niður í 75% og 35% árið 2020. Ástæða þessa er að urðun er ekki umhverfisvæn aðgerð. Við urðun geta ýmis óæskileg efni lekið út í umhverfið og mengað jarðveg, grunnvatn og loft. Kostnaður við urðun mun aukast og vegalengd í urðunarstaði verður lengri og sú mengun sem fylgir því að flytja úrgang milli landssvæða eykst. Lausnin á urðunarvandamálinu liggur í því að flokka sorpið og gera flokkun sorps sem aðgengilegasta fyrir íbúa. Mjög mikið af endurvinnanlegu hráefni endar í urðun og sem dæmi má taka að aðeins 6 milljónir ferna af 76 milljónum eru endurunnar á ári hverju. Með því að flokka heimilisruslið niður í þrjá flokka; almennt sorp, lífrænt sorp og endurvinnanlegt sorp er hægt að minnka það magn sem fer til urðunar um allt að 80%.Með því móti er hægt að endurvinna allan pappír sem berst inn á heimili fólks svo og endurvinnsla lífræns úrgangs sem er vistvæn aðgerð og stuðlar að því að lífræn efni og næringarsölt glatast ekki heldur nýtast sem náttúrulegur áburður.
Stykkishólmsbær gerði samning við Íslenska Gámafélagið í nóvembermánuð síðastliðinum, um heildarlausn á sorpeyðingarmálum fyrir sveitarfélagið. Í samningnum fólst að allir íbúar Stykkishólmsbæjar fá tvær tunnur til viðbótar þeirri tunnu sem fyrir er. Aukatunnurnar eru fyrir endurvinnanlegt sorp annarsvegar og lífrænt sorp hins vegar. Undirbúningur verkefnisins tók tæpa þrjá mánuði og endaði með því að starfsmenn Íslenska Gámafélagsins veittu hverjum og einum bæjarbúa ráðgjöf um endurvinnslu og að lokum voru tunnurnar afhentar með formlegum hætti í lok janúar.
Með þessum samningi hefur Stykkishómsbær í samvinnu við Íslenska Gámafélagið tekið forystu í endurvinnslu á lífrænu sorpi og pappír. Þar sem allir íbúarnir eru þátttakendur í að gera bæinn sinn umhverfisvænni en áður. Hagur þeirra liggur einnig í því að nú hafa þeir náð að leysa ákvæði ESB að fullu.
Föstudaginn 16. nóvember 2007Allt sorp í Stykkishólmi flokkað Íslenska gámafélagið ehf. og Stykkishólmsbær hafa gert með sér samkomulag um flokkun sorps og moltugerð í sveitarfélaginu. Stykkishólsbær hefur unnið ötullega að umhverfismálum í sveitarfélaginu og hefur metnaðarfulla umhverfisstefnu að leiðarljósi. Fyrst allra sveitarfélaga á Íslandi mun Stykkishólmsbær taka skrefið til fulls í flokkun sorps og hefja slokkun á sorpi og moltugera lífrænan úrgang frá öllum heimilum bæjarfélagsins. Íslenska gámafélagið mun sjá um framkvæmd verkefnisins og fræðslu til bæjarbúa. Ráðgert er að hvert heimili hafi til ráðstöfunar þrjár tunnur. Til viðbótar við gráu tunnuna sem fyrir er, fær hvert heimili Grænu tunnuna sem ætluð er fyrir endurvinnanlegan úrgang svo sem pappa, pappír, fernur, plast og minni málmhluti. Innihald Grænu tunnunar verður síðan flokkað frekar og sent til endurvinnslu. Einnig fær hvert heimili brúna tunnu undir lífrænan úrgang heimilisins. Íslenska gámafélagið mun síðan losa brúnu tunnurnar og umbreyta lífræna úrgangnum í næringaríka moltu. Moltan verður síðan notuð í bæjarfélaginu við uppgræðslu og gróðursetningu. Markmið verkefnisins er að minnka umfang almenns sorps sem fer til urðunar að minnsta kosti 60%. Íslenska gámafélagið óskar Stykkishólmsbæ og íbúum bæjarins til hamingu að verða fyrst hér á landi til þess að flokka allt sorp og hugsa áður en hent er.
Undirritun samnings Þórunn Sveinbjarnardóttir umhverfisráðherra, Erla Friðriksdóttir bæjarstjóri, Jón Þórir Frantzson framkvæmdastjóri Íslenska gámafélagsins og Gretar D. Pálsson forseti bæjarstjórnar. Föstudaginn 30. mars, 2007 - Blaðaukar Nýtt vopn í baráttunni við svifrykStærsti götusópurinn á landinu Öflugur. Vélinni mætti líkja við risavaxna teppahreinsivél sem hreinsar steypu og malbik.   [ Smelltu til að sjá stærri mynd ] ÍSLENSKA gámafélagið fjárfesti nýlega í háþrýstisóp. Eins og flestir vita er svifryk orðið mikið heilbrigðisvandamál á Íslandi og er sópurinn nýtt vopn í baráttunni við það. ÍSLENSKA gámafélagið fjárfesti nýlega í háþrýstisóp. Eins og flestir vita er svifryk orðið mikið heilbrigðisvandamál á Íslandi og er sópurinn nýtt vopn í baráttunni við það. Sópurinn er frábrugðinn öðrum götusópum að því leytinu til að hann háþrýstiþvær göturnar og sýgur svo upp óhreinindin með miklum krafti. Þetta er fyrsti sópur sinnar tegundar á landinu og einnig stærsti götusópurinn á landinu. Nærtækast væri hugsanlega að líkja honum við risavaxna teppahreinsivél sem hreinsar steypu og malbik. Sópurinn getur einnig hreinsað helmingi breiðari flöt en venjulegur götusópur eða allt að 3 metra. Hreinsar upp erfið efniHægt er að nota sópinn til að hreinsa við ýmsar aðstæður t.d. eftir slys þar sem olía, bensín eða önnur efni hafa farið niður. Og hefur hann þegar verið prufaður við slíkar aðstæður. Ef um sérstaklega erfið efni er að ræða er hægt að setja hreinsiefni út í vatnið og hreinlega sápuþvo með honum. Að sögn Höllu F. Kristjánsdóttur, framkvæmdastjóra markaðssviðs hjá Íslenska gámafélaginu, hefur fyrirtækið alltaf lagt mikið upp úr umhverfismálum og er þessi fjárfesting ein viðbót fyrirtækisins við þann málaflokk. 1. mars 2007 Íslenska gámafélagið tekur í dag við stórum hluta af hreinsun gatna og gönguleiða fyrir Reykjavíkurborg. |
Fréttir 
;)
;)
;)
